PunGas.com.mk

Miss Automoto sport International 2010

admin — Tue, 15 Sep 2009 19:32:14 +0000

Подготовките за Miss Automoto sport International 2010 одат понатаму.
Во таа насока Дирекцијата на изборот објави конкурс за сите заинтересирани девојки да учествуваат во изборот за 2010-на годината и се очекува уште погламурозен спектакл од 2009 година. Дирекцијата објави дека финалистите кои учествуваат на овој меѓународниот избор во 2010 ќе бидат од земјите од нашето опкружување, а исто така се очекува рекорден број на претставници од медиуми, фотографи и новинари!
Конкурсот може да се најде на www.miss-automoto.com

Заинтересираните кандидатки треба да ги достават следните податоци:
1. Име и презиме
2. Датум, година, место и држава на раѓање
3. Контакт електронска адреса и мобилен број
4. Поштенска адреса
5. Конфекциски број и мерки на градите-половината-колковите
6. Висина, тежина и бројот на чевли

* ЗАБЕЛЕШКА:
1. Кандидатките не смеат да бидат мажени, разведени и/или мајки.
2. ВО 2010 година мора да имаат најмалку 18 години, а најмногу 25
години.
3. На изборот може да се пријават девојки од Хрватска, Босна и Херцеговина,
Србија, Словенија, Црна Гора и Македонија.
4. Заедно со кратката биографија да испратат и 4-5 фотографии (лице и цело тело).
5. Барањата треба да бидат испратени на: miss-automoto@net.hr

Мотокрос - Забел 28.08.2009

admin — Sun, 30 Aug 2009 00:25:03 +0000

Под покровителство на Мотоциклистичка федерација на Македонија и Општина Старо Негоричане, a во техничка организација на МК Вардар на 28 август на патеката покрај Манастирот Забел во Старо Негоричане се одржа третиот натпревар од Шампионатот на Македонија во мотокрос за сезоната 2009.

И оваа година натпреварот кој традиционално се одржува на денот на христијанскиот празник Голема Богородица привлече големо внимание на вљубениците на мотокросот од Кумановско и пошироката околина. По сончево време настапот на 16 натпреварувачи го следеше 3.000 публика. Патеката овој пат беше продолжена за уште 350 мести и сега има вкупна должина од 1.300 метри и претставува уште поголем предизвик за натпреварувачите.
Во најмалата класа до МХ85 за прв пат годинава настапи Кристијан Панковски и на два пати го освои првото место пред минатогодишната шампионка Фетије Елези (МК Вардар), а трет беше Антонио Дејановски (МК Бутел). Сепак Елези останува водечка во генералниот пласман.
Во втората класа МХ2 во победата заслужено ја однесе се подобриот Битолчанец Благојче Спировски (МК Гоко) кој го зголеми водството во генералниот пласман. Зад него се пласираа Драган Ванов (МК Вардар) и Стефан Денковски (МК Соколи).
Во најсилната класа МХ1 најуспешен беше Дарко Дејановски (МК Бутел), пред Арун Меховиќ (МК Вардар). Повеќекратниот шампион на Македонија, Мирче Ќорнаков (МК Спортинг) во последен момент реши да му го препушти мотоциклот на својот наследник Кристијан кој се пласираше на третото место и покажа дека во иднина треба да очекуваме уште подобри резултати. Дејановски останува водечки после 3 натпревари.
Помеѓу двете возења беше одржана ревијална трка од класата хоби во која по тесна борба победи Тони Златановски пред Сашко Ванов и Дејан Лазов.
Следниот натпревар ќе се одржи на 11 октомври на патеката Орман крај Скопје.

[View with PicLens]

Одличен почеток на сезоната

admin — Sun, 21 Jun 2009 20:37:17 +0000

Под покровителство на Мотоциклистичка федерација на Македонија, a во техничка организација на МК Цобо спорт од Скопје на 20 и 21 јуни на патеката во Кичево се одржа првиот натпревар од Шампионатот на Македонија во мотоциклизам на кружни патеки за сезоната 2009. Многуилјадната публика по убаво време уживаше во вештината на мотоциклистите и можеше да проследи многу возбудливи борби.
За разлика од изминатите 2 години од кога се обнови шампионатот на кружни патеки, новост беше распишувањето на класата до 125 ссм. Иако на тренингот се појавија 5 натпреварувачи, на трката стартуваа тројца. И покрај тоа, трката беше возбудлива во сите 10 кругови поради дуелот на двете Априлии, односно на Мирослав Маринковски (МК Стрит фајтерз) и Павле Ташковиќ (МК Цобо спорт). Тие на неколку пати се менуваа на првата позиција за на крајот сепак Маринковски во своето деби во шампионатот да оствари тесна победа пред Ташковиќ. На третото место се пласираше уште еден дебитант, Мартин Блажевски (Хонда, МК Цобо спорт).
Во другите две класи (до 600 ссм и до 1000 ссм) кои се веќе добро познати немаше изненадувања. Двократните шампиони од овие класи Слободан Ивчески (Триумф, МК Цобо спорт) и Сашо Николов (Јамаха, МК Тумац) ја продолија доминацијата и се на добар пат да станат први носители на златна кацига во Македонија кога е во прашање оваа дисциплина. Ивчески убедливо победи во класата 2 пред Томислав Ѓорѓиевски (Сузуки, МК Тумац) и Владо Ѓуровски (Сузуки, МК Стрит фајтерз). Николов кој постигна најбрзо македонско време на тренингот 1:04,814 и го собори рекордот на Ивчески. Ѓоре Караколев (Кавасаки, МК Спиди ист) кој повторно се врати на патеките успеа да избие пред Николов во третиот круг, меѓутоа не за долго бидејќи имаше излетување во четвртиот круг. За среќа, тој помина без никакви повреди. Зад победникот се пласираа неговите клупски другари Ефтим Вељановски (Сузуки) и Ивица Јакимовски (Кавасаки). Меѓународен карактер на трката и даде Дарко Тодоров од Србија кој победи на трката, а имаше и најбрз круг на трката 1:03,038.

Почнува сезоната во брзински мотоциклизам

admin — Fri, 19 Jun 2009 10:16:51 +0000

Под покровителство на Мотоциклистичка федерација на Македонија, a во техничка организација на МК Цобо спорт од Скопје на 20 и 21 јуни на патеката во Кичево ќе се одржи првиот натпревар од Шампионатот на Македонија во мотоциклизам на кружни патеки за сезоната 2009.
За разлика од изминатите 2 години од кога се обнови шампионатот на кружни патеи, новост е распишувањето на класата до 125 ссм во која се очекува интересна борба за првата шампионска титула. Другите две класи се веќе добро познати и тоа: – до 600 ссм (Супер спорт) и до 1000 ссм (Супер бајк). Двократните шампиони од овие класи Слободан Ивчески (Сузуки, МК Цобо спорт) и Сашо Николов (Јамаха, МК Тумац) тргнуваат со желба да ја продолжат доминацијата и да станат први носители на златна кацига во Македонија кога е во прашање оваа дисциплина. Овој пат се очекува конкуренцијата да им биде далеку поголема, а севкупно се очекува да настапат околу 25 натпреварувачи.
Ивчески за годинава набави нов мотоцикл Триумф со кој очекува и да го собори најдоброто македонско време 1:05,010 кое го постави минатата година. Да потсетиме патеката е долга 2.050 метри и има 6 леви и 2 десни кривини. Организаторите очекуваат голем интерес од страна на публиката која секогаш на мотоциклистичките натпревари доаѓала во голем број.
Тренингот е закажан за сабота 20 јуни во 12.00, додека свеченото отворање е во недела 21 јуни од 11.30, а трката започнува од 12.00 часот.

Совршен пар

admin — Thu, 18 Jun 2009 10:20:45 +0000

Кристина е студентка од Скопје која уште од мала е вљубена во моторите.

Годинава е заштитно лице на трките со скутери кои ги организира Мотоциклистичката федерација на Македонија.

Специјално за www.pungas.com.mk, Кики позираше со новиот мотоцикл Триумф на двократниот шампион на Македонија Слободан Ивчески на плоштадот Македонија во Скопје.

[View with PicLens]

Трасирана првата ендуро патека во Македонија

admin — Mon, 15 Jun 2009 19:20:50 +0000

Претставници од Мотоциклистичка федерација на Македонија (МФМ) изминатиот викенд на Шар Планина извршија одредување на првата ендуро патека во Македонија. Патеката се наоѓа под врвот Љуботен во атарот на селата Вратница, Старо Село и Рогачево и вкупната должина ќе изнесува околу 30 километри.
МФМ ја доби организација на ендуро натпревар во рамките на Источно-европскиот шампионат, а во календарот се предвидени вкупно 5 натпревари во Грција, Турција, Романија, Македонија и Бугарија. Предвидениот термин 2 август се поклопува со големиот национален празник Илинден. Според досегашните најави се очекува учество на стотина мотоциклисти поделени во две класи, а досега интерес пројавија 7 држави. Натпреварот ќе се состои од 3 етапи по 30 километри во кои е предвиден и екстремен дел од 2 километри (низ шума и потоци) кој му дава уште поголема атрактивност на овој вид натпревари кои за првпат ќе се одржи во Македонија.
Во текот на одредувањето на трасата, МФМ доби голема помош од Скијашкиот клуб Љуботен, како и Граничната полиција на Република Македонија. Тие ја поздравија иницијативата за заживување на овој регион со спортски натпревари и ја искажаа својата поддршка активното да се вклучат во организацијата во текот на следните два месеци.
Идејата на МФМ е натреварите на оваа патека да се претворат во традиција, а понатаму истата да се вклучи и во повисок ранг од меѓународните шампионати.

Алпе адриа Клио куп - Хунгароринг 2009

admin — Fri, 12 Jun 2009 18:50:48 +0000

Втората трка од сезоната 2009 од Алпе адриа Клио купот ќе се одржи на 13 и 14 јуни на патеката Хунгароринг во Унгарија.

На денешниот прв слободен тренинг се појавија 24 натпреварувачи од 6 држави. Големо внимание привлекува и настапот на Хрватот Марин Чолак кој ја има улогата на ВИП натпреварувач. Чолак годинава настапува во WTCC, а за оваа трка го позајми резервното возило од сонародникот Дан Липошчак, кој да потсетиме е актуелен шампион на словенечкиот Клио куп. Од овој куп тука е и Словенецот Лука Бравец, а единствената припадничка на поубавиот пол е Хрватката Тајана Корен.

Резултати од слободниот тренинг:
1 9 Christian RICCIARINI ITA 2:04.744
2 11 Giancarlo LENZOTTI ITA 2:04.950
3 2 Luca CASADEI ITA 2:05.097
4 34 Marin COLAK CRO 2:05.614
5 15 Francesco IORIO ITA 2:05.756
6 1 Dan LIPOSCAK CRO 2:06.008
7 36 Nicolas MILAN FRA 2:06.760
8 20 Giancarlo GROSSI ITA 2:06.930
9 3 Luka BRAVEC SLO 2:07.052
10 16 Rene LEUTENEGGER SUI 2:07.146
11 7 Markus GUMMERER ITA 2:07.265
12 38 Marc GUILLOT FRA 2:07.279
13 69 Stefano ZANINI ITA 2:07.386
14 24 Emanuele BALESTRERO ITA 2:07.583
15 6 Andreas GUMMERER ITA 2:07.672
16 61 Francesco SAVOIA ITA 2:07.783
17 12 Luciano GIOIA ITA 2:08.057
18 17 Daniele PASQUALI ITA 2:08.126
19 10 Andreas CAIUMI ITA 2:08.193
20 29 Mathias HEDINGER SUI 2:08.392
21 23 Marco LERTORA ITA 2:09.293
22 28 Tajana KOREN CRO 2:09.423
23 4 Milan HARING AUT 2:09.518
24 37 Yves CAZARD FRA 2:09.823

Секси шоу во Монви

admin — Mon, 08 Jun 2009 23:53:59 +0000

По отворањето на сезоната на 23 мај, во забавниот центар Монви во Ровињ на 6 јуни се одржа долгоочекуваното големо секси шоу.
Гостите можеа да уживаат во добрата музика и сеприсутното безбедносно возило Seat Leon Tdi WTC, но сепак најголемото внимание го привлекоа го-го танчерките, Sexy Car Wash девојките, а осум илјадната публика после два часа забава до крај ја вжешти лезбо-шоуто.

Успешен европски настап на Станковиќ

admin — Mon, 08 Jun 2009 18:29:39 +0000

Тимот VAMA Formula 3000 ја продолжи сезоната со успешен настап на легендарната патека ECCE Homo во Штернберк, Чешка. Трката со повеќе од стогодишна традиција (првата трка е возена во 1905 година) по 8 километри долгата сложена патека ги привлече најдобрите европски натпреварувачи. Владимир Станковиќ кој само вторпат настапи на оваа патека со секое возење го подобруваше своето време и на крајот се пласираше на 9. место во генералниот пласман. Победата ја однесе Симоне Фаџоли од Италија, пред својот сонародник Фаусто Бормолини и домашниот натпреварувач Милош Бенеш.

- Иако 9. место е полошо од моите очекувања, со трката во Штернберк сум исклучително задоволен. Конечно ги решивме техничките проблеми што не следеа на претходните трки и во второто возење во недела постигнав одлично време. На така долга, брза и технички сложена патека, после само два тренинзи е речиси невозможно да се постигне подобар резултат. Мојот заостаток зад водечките беше мал и тоа ми дава надеж за уште подобри резултати до крајот на сезоната. Многу е важно што успеав да бидат побрз од главниот конкурент во отворениот шампионат на Австија, Херман Валди што ми донесе многу важни бодови – изјави Станковиќ веднаш по трката.

Тимот VAMA Formula 3000 и Станковиќ својот следен настап ќе го имаат на 28 јуни на уште една трка од европскиот шампионат на ридски патеки во Риети, Италија.

Онборд снимка:

http://www.youtube.com/watch?v=XEnEAqgALJU

Брадариќ повторно најбрз

admin — Sun, 07 Jun 2009 18:32:14 +0000

По победата на минатата трка во категоријата 1., овој пат Роберт Брадариќ (Воксал вектра) триумфираше во апсолутен пласман на трката „Учка 2009“ во рамките на шампионат на Хрватска на ридски патеки.

Секако голем удел во победата имаше мократа патека која не им овозможи на болидите од категорија 2. да ги прикажат максималните можности. Зад Брадариќ кај автомобилите завршија Борис Дурлен (Форд Ескорт) и Дејан Димитријевиќ (Голф). Најголем губитник на натпреварот е Синиша Краинц (Форд Ескорт) кој водеше по првото возење, но поради проблеми со возилото не успеа да стартува во второто возење.

Најуспешен во категорија 2. беше Игор Гауш (Опел Лотус), а воедно тој го освои и третото место во генералниот пласман на трката. Фаворитот за победа, италијанецот со хрватска лиценца Рикардо Ала не успеа да стартува на трката по проблемите што ги имаше на утринските тренинзи.

Комплетни резултати можете да најдете на
http://www.leprinka.hr/brdoucka2009/08.html

Следната трка е предвидена за 12 јули во Чабар.